G-Doc: July 2007

útilega, gæsun, fótbolti og þjóðhátíð

Loksins hefur eitthvað gerst hjá mér óvinnutengt.
Þarsíðustu helgi fór ég í útilegu með Hallgerði, Siggu og Huldu. Við hoppuðim á trampólíni, átum á okkur gat og fórum í heita pottinn.
Síðustu helgi gæsaði ég Ágústu littlu frænku mína. Það var æðislegur dagur. Við klæddum hana í supergirl búning, létum hana leysa ýmsar þrautir eins og að gefa smokka og syngja, fórum svo með hana í magadans og enduðum á góðum mat og djammi.
Næstu helgi verð ég einnig í fríi og hvað ætlar gamla konan að gera? hún ætlar á Þjóðhátíð, vei vei.
Svo spilaði ég fótbolta í vinnunni í dag með slökkviliðinu. Eins gott að maður mun bara reyna við karlmenn í pollagalla næstu helgi með alla marblettina á fótunum. Ekkert stutt pils næstu vikurnar.

Nattevakten

Yfirhöfuð finnst mér ekki gaman að vera á næturvakt. Ennþá leiðinlegra er þegar maður er á næturvakt, hefur svefnfrið en getur barasta ekki sofið og starir á klukkuna.
Þess vegna klukkan 3;40 aðfaranótt laugardags er ég að blogga.
Ég hef ekki bloggað lengi, aðallega af því að ég hef tekið vinnutörn frá helvíti. Undirmönnun hefur sjaldan verið verri á slysadeildinni svo að ég hef unnið guð má vita hversu marga tíma. Bót í máli er að meirihluti minna vakta nú er hér á sjúkrabílnum, sem þýðir inn á milli útkalla eru oft rólegar stundir sem fara í að sólbrenna uppi á þaki á slökkvistöðinni, ísbíltúra, blak í Nauthólsvík og að geysast um borgina í sjúkrabíl. Allt þetta er stórkostlegt núna í sumarsælunni í Reykjavík. Ég er reyndar klædd í neonkraftgalla sem er heitari en andskotinn en ég er orðin sólbrún í framan.
Sumarfrí byrjar um miðjan ágúst, mun þá fara til Ísraels með stuttu stoppi í Köben/Svíþjóð eins og venjulega.